#دفتر_أحوال|بعد طلاقهما.. هيثم محمد ووفاء قمر من فستان قصير في المسجد للطلاق فجرا
وانفصلت الفنانة وفاء قمر، عن زوجها الفنان هيثم محمد، وذلك بعد زواج دام ما يقرب من 5 سنوات.
صداقة اتحولت لحب حقيقي بين الفنان هيثم محمدوالفنانة وفاء قمر، الاتنين كانوا يعرفوا بعض من وهم أطفال، وفضلت علاقتهم مستمرة لحد ما اتجوزوا في أبريل 2017 في فرح بسيط.
بس الظاهر إن العِشرة الطويلة مش دايمًا كفاية عشان تحافظ على الجواز، لأن بعد 5 سنين من الارتباط، وتحديدًا في أكتوبر 2022، أعلنت وفاء قمر على فيسبوك خبر الانفصال بنفسها، وكتبت أعلن رسميًا الانفصال عن الفنان هيثم محمد.. كل شيء نصيب.. والحمد لله على كل حال.
بعد كده بدأت الأخبار تتداول إن السبب الحقيقي ورا الطلاق كان الخلافات اللي حصلت بعد ما هيثم دخل في دايرة أصحاب مش تمام بعضهم اتهموه إنهم السبب في مشاكله القانونية وقضايا المخدرات اللي واجهها.
أما وفاء قمر، فاختارت الرد بطريقة راقية، وقالت: مفيش مشاكل كبيرة بينا، بس ما اتفقناش كاتنين متجوزين، كلامها وضّح إن الانفصال كان هادي ومفيهوش مشاكل علنية، رغم إن ملامح الحزن كانت باينة عليها، خصوصًا بعد ما نشرت صورة قديمة من خطوبتها على أغنية حزينة، كأنها بتودّع مرحلة من حياتها.
هيثم، من ناحيته، حاول يكمّل حياته الفنية لكنه اتورط في شوية أزمات بعد الطلاق، بينما وفاء ركزت أكتر في شغلها وبدأت ترجع للساحة على عكس طليقها اللي اتحبس في قضية ممنوعات.
هيثم محمد haytham mohamed
Wafaa Qamar - وفاء قمر